Suedia do të përballet sot me Anglinë, në një ndeshje që pritet të dhurojë spektakë. Më poshtë do t’iu sjellim disa statistika nga duelet mes tyre.
* Ndeshja e sotme do jetë përballja numër 25 mes Suedisë dhe Anglisë: britanikët kanë fituar në tetë raste, Suedia në shtatë. Nëntë sfida kanë përfunduar në barazim.
* Dy ndeshjet precedente në Kupën e Botës mes dy skuadrave kanë përfunduar në barazim: 1-1 në 2002-shin dhe 2-2 në 2006-ën (të dyja në fazën e grupeve).
* Suedia do luajë për herë të pestë në fazën çerekfinale të Botërorit: ka kaluar në gjysmëfinale në tre nga katër rastet (1938, 1958 e 1994), duke humbur vetëm në 1934-ën kundër Gjermanisë.
* Ndërsa “Tre Luanët” kanë arritur çerekfinalet e Botërorit për herë të katërt nga 2006-a, kur më pas u mposht me penallti kundër Portugalisë. Nuk shkojnë përtej kësaj faze nga 1990-a, kur fituan 3-2 me Kamerunin.
* 11 nga 14 golat e Suedisë në Botërorë janë shënuar në pjesën e dytë, përfshi pesë nga gjashtë të realizuar në këtë edicion.
* Asnjë lojtar anglez nuk ka shënuar më shumë gola se Herri Kejn (6, për më tepër nga gjashtë goditje në portë, përfshi 3 penallti) në një edicion të vetëm të Kupës së Botës. Edhe Geri Lineker realizoi 6 në 1986- ën, kur fitoi “Topin e Artë”.
* Robin Olsen, portieri i verdhebluve, e ka mbajtur tri herë (nga katër ndeshje) portën e paprekur në këtë Botëror: asnjë portier suedez nuk ka arritur të bëjë më mirë në fazën finale të një Kupe Bote.
* Sulmuesi suedez Markus Berg ka tentuar 13 goditje pa shënuar asnjë gol: maksimumi për një lojtar pa gol në këtë turne.